Engin sumarslátrun verður hjá SAH afurðum á Blönduósi þetta árið þar sem spurn eftir sumarslátrun hefur nánast horfið. Sauðfjárslátrun hefst því hjá SAH afurðum 1. september. Sigurður Jóhannesson, framkvæmdastjóri SAH afurða segir á vefsíðu félagsins að um langt árabil hafi SAH Afurðir verið leiðandi í því að lengja það tímabil sem sauðfjárslátrun tekur yfir.

Veðurguðirnir léku við mannfjöldann sem safnaðist saman í dag á hinu fagurgræna Ráðhústorgi, þar sem pylsur voru grillaðar og ljúfir tónar leiknir. Bæjarbúar voru hvattir til að mæta með sumarleg teppi til þess að leggja á nýtyrft torgið, þiggja pylsur frá Kjarnafæði og pylsubrauð frá Kristjánsbakarí eða mæta með eigin hádegisverðarpakka.

Það voru tveir vaskir nemar frá Kjarnafæði, þeir Grétar Baldvinsson og Jón Þór Guðmundsson sem lögðu í ferðalag til höfuðborgarinnar til að sanna kunnáttu sína og færni í kjötiðn. Meistarar í fræðunum voru að sjálfsögðu einnig mættir sem prófdómarar til að dæma þá og meta. Nemarnir hafa síðastliðin fjögur ár verið í verklegu námi hjá Kjarnafæði og bóklegu hjá Verkmenntaskólanum á Akureyri.

Kjarnafæði hefur sett á markað nýja tegund af grillkjöti, Herragarðs grísalærissneiðar. Undir Herragarðsmerkið fer eingöngu sérlega meyrt og gott kjöt sem er sett í ljúffengan kryddlög frá kjötmeisturum Kjarnafæðis.

Í dag voru tilkynnt úrslit í keppninni Matreiðslumaður ársins 2009 sem haldin var í um helgina á Sýningunni Ferðalög og frístundir, sem nú stendur í Laugardalshöll.  Það var Jóhannes Steinn Jóhannesson hjá veitingastaðnum VOX sem hreppti fyrsta sætið, annað árið í röð. Í öðru sæti var Þórarinn Eggertsson hjá Orange og í þriðja sæti var Rúnar Þór Larsen hjá veitingastaðnum Bryggargatan í Svíþjóð.  

Það er sannkölluð sælkerahelgi 8. - 10. maí næstkomandi helgi, þar sem fjölmargar keppnir verða í boði, t.a.m Vínþjónn Ársins 2009, Matreiðslumaður ársins 2009, Matreiðslumaður Norðurlanda 2009 og Íslenskt eldhús 2009. Keppnin Matreiðslumaður ársins fer fram föstudaginn 8. maí í Íþrótta- og sýningarhöll í Laugardal. Sú keppni hefur verið haldin árlega allt frá árinu 1994. Þar hafa fjölmargir færir matreiðslumenn komið fram á sjónarsviðið og síðan gert garðinn frægan í öðrum keppnum. Sigur í keppninni Matreiðslumaður ársins veitir keppnisrétt í keppnunum Matreiðslumeistari Norðurlanda, Global Chef Challenge, One World competition o.fl. Oft hafa keppendur þurft að kafa djúpt í reynslubankann, þar sem skylduhráefni hefur verið t.d. nýru, lifur, ferskir hrútspungar, kúfskel, hörpuskel og lambaframpartur, svo nokkur dæmi séu nefnd.

Kjarnafæði hefur sett á markað frábæra nýjung, Krakkabúðing. Krakkabúðingurinn er úrvals kjötbúðingur sem er ekki einungis sérlega bragðgóður, heldur er hann á margan hátt byltingarkenndur og hentar vel fyrir þá sem hugsa um heilsuna.

Klúbbur matreiðslumeistara stendur fyrir þremur matreiðslukeppnum á þremur dögum á sýningunni Ferðalög og frístundir sem haldin verður í Íþrótta- og sýningarhöllinni í Laugardal 8.-10. maí nk. Sú fyrsta, sem fram fer föstudaginn 8. maí, ber yfirskriftina Matreiðslumaður ársins, önnur keppnin, Matreiðslumeistari Norðurlanda, fer fram laugardaginn 9. maí og landshlutakeppnin Íslenskt eldhús 2009 verður haldin sunnudaginn 10. maí.

Fleiri hundruð krakka heimsóttu starfsstöðvar Kjarnafæðis á Akureyri og Svalbarðseyri í dag. Öskudagsbúningarnir voru alveg frábærir í ár og einnig voru söngvarnir skemmtilegir. Við þökkum öllum sem lögðu leið sína til okkar. Sjá myndir, smelltu hér. (fleiri á leiðinni)

Landsmenn hafa verið duglegir við þorramatinn síðustu vikur en nú er þorranum að ljúka og handan við hornið er sprengidagur. Það er því nóg að gera í saltkjötsframleiðslu hjá fyrirtæki eins og Kjarnafæði þessa dagana. Auðjón markaðsstjóri Kjarnafæðis segir í viðtali við Vikudag að sala á saltkjöti byrji mjög vel og hann er bjartsýnn á að salan verði ekki minni en á undanförnum árum. "Fólk vill frekar íslenskt og sækir í heimilismat. Saltkjötið er heppilegt í kreppunni, ódýr en góður matur, auk þess sem fólk er að borða með kjötinu, baunir, grænmeti og fleira. Bolludagurinn er einnig framundan og þá er einnig mikil sala í kjötfarsi og steiktum kjötbollum."