Fréttir

Landslið Íslands í matreiðslu stendur í ströngu þessa dagana við æfingar fyrir Ólympíuleikana sem haldnir verða síðar á þessu ári í Þýskalandi.  Mikil vinna við útfærslu hugmynda er að baki og framundan er tímabil þar sem framleiðsla á réttunum er þaulæfð og öll vinnubrögð fínpússuð þannig að allt verði fullkomið þegar að keppninni kemur.

Í upphafi skólatíðar er vert að vekja athygli á að kjötvörur frá Kjarnafæði eru mjólkurlausar, að lifrarpylsu undanskilinni. Má þar meðal annars nefna pylsur, kjötfars, kjötbúðinga, álegg og bjúgu.

Anna Bryndís Stefánsdóttir skrifaði nýlega undir samning við Kjarnafæði um að hefja nám í kjötiðn. Anna bætist við fríðan hóp kjötiðnaðarnema Kjarnafæðis, sem eru nú fjórir. Anna hefur starfað hjá Kjarnafæði í nokkur ár og er öllum hnútum kunnug hjá félaginu. Meistari Önnu er Eðvald Valgarðsson.

Kjarnafæði hefur hafið sölu á forsteiktum lambakótelettum í mötuneytispakkningum. Forsteiktu lambakóteletturnar eru hjúpaðar raspi og tilbúnar beint í ofninn. Forsteiktu lambakóteletturnar frá Kjarnafæði eru úr íslensku úrvals lambakjöti – engum aukaefnum er bætt við, heldur er um að ræða 100% hreint hráefni.

Stjórn Sláturfélags Vopnfirðinga samþykkti á fundi sínum 25. ágúst s.l. nýja verðskrá til bænda fyrir kindakjöt haustið 2008.  Stjórn SV áskilur sér rétt til breytinga á verðskránni ef þurfa þykir svo tryggt sé að innleggjendur hjá félaginu njóti a.m.k. sambærilegra kjara og best gerast hjá öðrum sláturleyfishöfum. Hækkun milli ára er á bilinu 15,5-17,5 %. Sem fyrr halda Landssamtök sauðfjárbænda utan um samanburð á verðskrám á vef sínum samkvæmt nýjustu upplýsingum.

Kjarnafæði hefur hafið sölu á forsteiktum grísakótelettum í mötuneytispakkningum. Forsteiktu grísakóteletturnar eru hjúpaðar raspi og tilbúnar beint í ofninn. Forsteiktu grísakóteletturnar frá Kjarnafæði eru úr íslensku úrvals grísakjöti – engum aukaefnum er bætt við, heldur er um að ræða 100% hreint hráefni.

Hróður hangikjötsins frá Kjarnafæði berst víða. Hérna er skemmtileg frásögn af matarboði í Kongó: Kjarnafæðis hangikjöt í Kongó,- það er málið!!!

Einstaklingar með mjólkuróþol þurfa ekki að óttast það að skella pylsunum frá Kjarnafæði á grillið, því allar pylsur frá Kjarnafæði eru mjólkurlausar.

Kjarnafæði hefur hafið sölu á úrvals hamborgurum í neytendapakkningum. Úrvals hamborgararnir eru úr íslensku úrvals nautakjöti - engum aukaefnum er bætt í borgarana, heldur er þetta 100% hreint hráefni.

Kjarnafæði hefur sett á markað nýja frábæra tegund af grillkjöti, BBQ grísakótelettur, léttreyktar. Þetta er skemmtileg viðbót við grilllínu Kjarnafæðis og BBQ grísakóteletturnar hafa þegar fengið frábær viðbrögð, því það er mál manna sem hafa prófað kóteletturnar að nú hafi kjötmeistarar Kjarnafæðis hitt enn einu sinn beint í mark.