Kryddlegið og grillað lambaprime (lambaframfille) með kryddjurtasósu, grilluðu grænmeti og kartöflum

Fyrir 4

800 g lambaprime

½ dl olía

1 msk timjanlauf

1 msk rósmarínnálar, smátt saxaðar

1 msk basil, gróft saxað

2 msk villihvítlaukur, smátt saxaður eða 2 hvítlauksgeirar, smátt saxaðir

1 tsk nýmalaður pipar

1 ½ tsk salt flögur

 

Setjið allt nema salt í skál og blandið vel saman. Geymið í kæli í 2-24 klst. Strjúkið þá það mesta af kryddleginum af kjötinu og geymið þar til síðar. Grillið við mikinn hita í 3-4 mín eða þar til kjötið er orðið fallega brúnað á öllum hliðum. Lækkið þá hitann eða hækkið grillgrindina og grillið í 3-4 mín í viðbót. Penslið kjötið reglulega á meðan grillað er með restinni af kryddolíunni. Saltið í restina.

 

Kryddjurtasósa

1 dl sýrður rjómi

1 dl Ab mjólk

1 dl mæjones

1 tsk timjanlauf

1 tsk rósmarínnálar

1 msk basillauf

2 msk villihvítlaukur eða 1 hvítlauksgeiri

1 msk sítrónusafi

1 msk hunang eða hlynsíróp

Salt og nýmalaður pipar

Allt sett í matvinnsluvél og maukað vel.

 

Skerið kjötið í fallega bita og berið fram með sósunni og t.d. grilluðu grænmeti og kartöflum.